| Abstract: | Botimi para jush është fryt i një projekti hulumtues njëvjeçar i Universitetit të Evropës Juglindore, që përmbledh analizat dhe kërkimet shkencore të dhjetëra profesorëve lidhur me implementimin dhjetëvjeçar të Marrëveshjes Kornizë të Ohrit (MKO). Qëllimi i këtij projekti hulumtues ndërdisiplinar ishte që nga aspekti akademik të hulumtohej se sa kjo marrëveshje, në dhjetëvjetorin e nënshkrimit të saj ishte zbatuar nga aspekti politik, kushtetues-juridik, përfaqësues shtetëror, buxhetor, gjuhësor e komunikues? Sidomos nga fakti se implementimi i kësaj marrëveshjeje në aspektin kohor vonohej për shtatë vite. Ndërkaq, në aspektin substancial kishin mbetur pa u zbatuar së paku edhe katër çështje kyçe, zyrtarizimi i gjuhës shqipe, përfaqësimi i shqiptarëve në postet më të larta shtetërore, pjesëmarrja e barabartë buxhetore dhe zbatimi i Ligjit për amnistinë. Analizat që janë të përmbledhura në këtë botim tregjuhësor shqip, maqedonisht dhe anglisht, sikur edhe hulumtimi i opinionit publik të Maqedonisë i zhvilluar në pjesë të ndryshme të Maqedonisë, duhej t'i përgjigjeshin pyetjes thelbësore të këtij kërkimi shkencor a funksionon Maqedonia (dhjetë vite nga nënshkrimi i kësaj marrëveshje), si shtet shumetnik? Kjo pyetje kërkimore-shkencore kushtëzohej edhe me dy përvjetorë të rëndësishëm 20 vjetorin e pavarësimit të Maqedonisë nga ish-RSFJ dhe 10-vjetorin e nënshkrimit të Marrëveshjes për Stabilizim dhe Asocim me BE-në. Viti 2011, ishte vërtet rast për të analizuar se sa deklarimet për ndërtimin e një shteti shumëkombësh, të proklamuara me rastin e pavarësimit shtetëror të Maqedonisë dhe marrjes së detyrimeve nga Marrëveshja për Stabilizim dhe Asocim, si dhe përfundimisht me rastin e nënshkrimit të Marrëveshjes që ndërpreu konfliktin e armatosur, ishin jetësuar gjatë dekadës së fundit? Përgjigja më e mirë në këtë pyetje, do të ishte metafora për gotën jo plotësisht të mbushur. Për dikë, ajo është gjysmë e mbushur, për të tjerët gjysmë e zbrazët Pjesë e këtij botimi trevëllimor, janë edhe kontributet e akademikëve dhe diplomatëve vendorë, rajonal dhe ndërkombëtar, por edhe të dëshmitarëve dhe ndërmjetësuesve të jashtëm të MKO-së, të prezantuara në konferencën ndërkombëtare dyditëshe të universitetit tonë, Columbia Univesity të Nju Jorkut, Universitetit "Kirili dhe Metodij" në Shkup dhe Universitetit Shtetëror të Tetovës, të mbajtur në Tetovë dhe në Shkup, me 20-21 qershor 2011. |
EBSCOhost
World Bank
EconBiz
De Gruyter
OpenEdition
European Respiratory Journal
Mathematical Sciences Publishers Journals
321 
Make a suggestion Refine your searchDemocracy and security
