| Abstract: | Studimet letrare përballen, prej vitesh, me një problematikë komplekse teorike. Në historinë e Zhvillimit të shkencave ka momente kthesash të rëndësishme; për historiografinë tonë letrare ky moment nuk është realizuar akoma. Me gjithë kontributet e vlefshme të disa studiuesve e kritikëve, të cilët gjatë viteve të fundit kanë sjellë vizione të reja, mendoj se jemi akoma në fazën problematike: sepse në shkrimet dhe debatet, që janë zhvilluar gjatë 15 viteve të fundit, u shfaq, ndonjëherë, edhe një lloj amatorizmi në gjykimin e problemeve të historiografisë sonë letrare. Sepse, prirja e (drejtë) për të kritikuar tekste dhe studime historike-letrare, të gjysmës së dytë të shekullit të kaluar, shpesh humbi ekuilibrin shkencor, duke u kthyer në një agresivitet, po aq politik sa edhe praktikat e mëparshme, për t'u larguar, kështu, nga problematika e vërtetë shkencore. Sepse përvoja, shumëvjeçare, në fushën e Teorisë së Letërsisë, më kishte zbuluar, me kohë, boshllëkun e formimit shkencor të shumë diskutuesve të sotëm. Sepse, prej vitesh kisha kuptuar se nuk mund të bëhet kthesë në studimet tona letrare, pa hyrë në thellësinë e korpusit teorik, që orienton studiuesin drejt njohjes së specifikës së sistemit letrar, dhe drejt zotërimit të sistemit të studimit letrar. Vepra ime synon të theksojë se rishkrimi i Historisë së Letërsisë Shqiptare, nuk është thjesht dëshirë, por punë e specialistëve të letërsisë, e atyre që kanë veç pasionit dhe dëshirës interpretuese, formimin e domosdoshëm shkencor, për të kuptuar se studimi historik i një letërsie dallon rrënjësisht nga interpretimi eseistik, apo nga natyra e një shkrimi kritik, ku aspekti subjektiv është më i theksuar. Në këtë kuptim, të gjitha debatet amatore, ku hyjnë edhe ato të karakterit politik, duken fare të vockla para sistemit "hijerëndë" të sistemit teorik të historiografisë letrare. Kjo vepër nuk i zgjidh sfidat për një histori të re të letërsisë; ajo ngacmon mendimin tonë shkencor, nxit debate midis specialistëve. |
EBSCOhost
World Bank
EconBiz
De Gruyter
OpenEdition
European Respiratory Journal
Mathematical Sciences Publishers Journals
Make a suggestion Refine your searchDon Kishoti te shqiptarët / Ali Aliu
