| Abstract: | Një burrë shteti, duke folur për veprën e Balzakut, ka thënë "nga Komedia njerëzore kam mësuar më tepër mbi shoqërinë frënge, pas Revolucionit të Madh, se sa nga të gjitha veprat historike të asaj kohe". Duket si një gjë paradoksaie të mësosh historinë nga romancat e një shkrimtari, qoftë edhe gjenial si Balzaku. Por s'ka gjë më të vërtetë. Shkrimtari i madh aty shquhet që, nën një formë fiktive, të japë pasqyrën më të gjallë të shoqërisë ku rron vetë. Që kur ishte djalë, 20 vjeç, Balzaku e ndjente se ishte i paracaktuar të bënte një vepër që do të ishte vazhdimi me pendë i asaj që Napoleoni filloi me shpatën. Kjo ide grandioze u poq dalë nga dalë dhe brenda tridhjetë vjetëve punimi herkulian Balzaku realizoi një nga veprat më madhështore të të gjithë kohëve. E tërë shoqëria frënge, siç u gatua prej Revolucionit të 1789-tës dhe u limua prej Kodit Napoleonian është përmbledhur në 45 volumet e "Komedisë Njerëzore". Gjeniut universal, syrit të mprehtë të Balzakut s'i ka shpëtuar as një hollësi. Të gjithë tipet sociale: borgjezi, aristokrati, katundari, punëtori; të gjitha profesionet: nëpunësi, oficeri, bankieri, tregtari, sarafi, diplomati, avokati, mjeku, noteri; të gjitha tipet e grave: nëna, shoqja, dashnorja, vajza plakë, kurva; të gjitha pasionet: ambicia, urrejtja, dashuria, etja e parasë; të gjitha ngrehinat shoqërore (martesa, trashëgimia, pasuria) dhe politike (shteti, ushtria, gjyqet), janë përshkruar, |
Make a suggestion Refine your searchEugénie Grandet / Honoré de Balzac
